ఉపాధ్యాయులకు పూర్వ విద్యార్థుల సాయం

గురువర్యులారా! మీరేమి కలత చెందవద్దు. మీ అత్యుత్తమ బోధనతో మేము జీవితంలో స్థిరపడ్డాం. కరోనా కాలంలో జీతాల్లేక ఇబ్బందులు పడవద్దు మేమున్నామంటూ.. తమ ఉపాధ్యాయులకు పూర్వ విద్యార్ధులు ఆర్థిక సాయం చేశారు. ఈ మహత్తర ఘట్టానికి నెలవైంది విశాఖ జిల్లా చోడవరం మండలంలోని శ్రీ విజ్ఞాన పబ్లిక్ స్కూల్.

విశాఖ జిల్లా చోడవరం మండలం గాంధీగ్రామంలో ఉన్న శ్రీ విజ్ఞాన్ స్కూల్ కు చెందిన పూర్వ విద్యార్థులు ముఖ్యంగా 2004-11 మధ్య స్కూల్ లో చదివిన విద్యార్థులు అంతా చరవాణిల ద్వారా చేరువై రూ.3.75 లక్షల నగదును వసూలు చేశారు. ఈ నగదును తమకు బోధన చేసిన ఉపాధ్యాయులకు అందివ్వాలని తలిచారు. స్కూల్ అవరణలో జరిగిన ఓ కార్యక్రమంలో మాస్టార్లుకు వసూలు చేసిన నగదును అందజేశారు.

ఈ కార్యక్రమానికి వైద్యులు దేవరపల్లి రవి ముఖ్య అతిధిగా హాజరయ్యారు. కొవిడ్ వల్ల పాఠశాలలు తెరవక ఇబ్బందులు పడుతున్న ఉపాధ్యాయులకు పూర్వపు విద్యార్థులు నగదు సాయం చేయడం అభినందనీయమని తెలిపారు. ఈ కార్యక్రమంలో స్కూల్ సంచాలకులు ఎం.ఎం.కె.రాజు, బాబు, పూర్వపు విద్యార్థులు సుధాకర్, నిఖిత, రమేష్, విజయ్ తదితరులు పాల్గొన్నారు.

ఇదీ చదవండిరోడ్డెక్కిన సినీ, టీవీ కళాకారులు.. ఆదుకోవాలని కలెక్టర్ కు వినతి