ప్రేక్షకులను ఆకట్టునేలా శ్రీ మోదకొండమ్మ చిత్రం

విశాఖ జిల్లా మాడుగుల మోదకొండమ్మ అమ్మవారి పుట్టుపూర్వోత్తరాలు, మహిమలపై రూపొందిస్తున్న చిత్రం షూటింగ్ శరవేగంగా జరుగుతోంది. కొద్ది రోజులుగా మాడుగుల మోదకొండమ్మ ఆలయం, కోటతో పాటు పరిసర ప్రాంతాల్లో చిత్రీకరణ చేస్తున్నారు.

ఉత్తరాంధ్ర జిల్లాల ఆరాధ్య దైవం మాడుగుల మోదకొండమ్మ అమ్మవారి పుట్టుపూర్వోత్తరాలు, మహిమలపై చిత్రాన్ని రూపొందిస్తున్నట్లు దర్శకుడు పొలాకి శివ తెలిపారు. కొద్ది రోజులుగా మాడుగుల మోదకొండమ్మ ఆలయం, కోటతో పాటు పరిసర ప్రాంతాల్లో షూటింగ్ శరవేగంగా జరుగుతుందన్నారు. మోదనందకిశోర్, హిమాలయ మిక్స్ బ్యానర్ పై నిర్మిస్తున్నట్లు వెల్లడించారు. సినిమాలో ప్రముఖ నటి ప్రేమ, విలన్ సత్యప్రకాశ్, హీరో, హీరోయిన్ హరీష్, ఐశ్వర్య, శివకృష్ణ, బాహుబలి ప్రభాకర్, జబర్దస్త్ గణపతి తదితరులు నటిస్తున్నట్లు పేర్కొన్నారు.

ఇప్పటివరకు 510 చిత్రాల్లో పలు భాషల్లో నటించినట్లు విలన్ సత్యప్రకాశ్ వెల్లడించారు. శ్రీ మోదకొండమ్మ అమ్మవారి చిత్రంలో నటించడం చాలా సంతోషంగా ఉందన్నారు. ఇక్కడ ప్రజలు షూటింగ్ నిర్వాహణకు ఎంతో సహకరించారని, ప్రత్యేక కృతజ్ఞతలు తెలిపారు. మోదకొండమ్మ అమ్మవారి చిత్రం నిర్మించడం చాలా ఆనందంగా ఉందని, ప్రజలు, ఆలయ కమిటీ ఎంతో సహకారాన్ని అందించారని నిర్మాత కిశోర్ సంతోషన వ్యక్తం చేశారు.

ఇవీ చూడండి...