నేటి నుంచి యథావిధిగా ప్రత్యేక రైళ్లు

రద్దైన రైళ్ల సేవలను పునరుద్ధరించనున్నట్లు వాల్తేర్ రైల్వే అధికారులు తెలిపారు. రద్దు చేసిన ప్రత్యేక రైళ్లను నేటి నుంచి నడపనున్నట్లు వివరించారు.

పశ్చిమబంగా ప్రభుత్వం లాక్‌డౌన్‌ను తొలగించడం వల్ల రద్దైన రైళ్ల సేవలను పునరుద్ధరించనున్నట్లు వాల్తేర్‌ రైల్వే అధికారులు తెలిపారు. రద్దు చేసిన ఆ ప్రత్యేక రైళ్లను నేటి నుంచి యథావిధిగా నడపనున్నట్లు వివరించారు.

హావ్‌డా-యశ్వంత్‌పూర్‌ దురంతో (02245) ప్రత్యేక రైలు, సికింద్రాబాద్‌-హావ్‌డా-సికింద్రాబాద్‌(02704-02703) ఫలక్‌నుమా ఎక్స్‌ప్రెస్‌ రైలు షెడ్యూల్‌ ప్రకారం రాకపోకలు సాగిస్తాయని వెల్లడించారు. అలాగే కొన్ని రైళ్లను ఈ నెల 12నుంచి నడిపేందుకు రైల్వే వర్గాలు తెలిపాయి.

• 12 నుంచి విశాఖ-కోర్బా రోజువారీ స్పెషల్‌ (08518/08517)
• 13నుంచి గువాహటి-బెంగళూరు కంటోన్మెంట్‌ వీక్లీ స్పెషల్‌ (02509/02510)
• ఖుర్దారోడ్‌-ఓఖా స్పెషల్‌ (08401/08402)
• 15నుంచి తిరుచిరాపల్లి-హావ్‌డా బైవీక్లీ స్పెషల్‌ (02664/02663)నడపనున్నారు.

ఇదీ చదవండి:ఈటీవీ భారత్ కథనానికి స్పందన.. తీరిన యూరియా కొరత