'5 ప్రైవేటు ఆస్పత్రులను కోవిడ్ 19 కోసం సిద్ధం చేయండి'

విశాఖలో కరోనా వ్యాప్తి దృష్ట్యా జిల్లాలో కోవిడ్ ఆస్పత్రుల ఏర్పాటుకు చర్యలు చేపడుతున్నారు. సిద్ధంగా ఉండాలంటూ 5 ప్రైవేటు ఆస్పత్రులకు నోటీసులు అందించారు.

విశాఖ జిల్లాలో రోజు రోజుకూ కరోనా పాజిటివ్ కేసుల సంఖ్య పెరుగుతోంది. దీంతో అధికారులు అప్రమత్తం అవుతున్నారు. జిల్లాలోని పలు ప్రైవేటు ఆస్పత్రులు కోవిడ్ సేవలు అందించేందుకు సిద్ధంగా ఉండాలని నిర్వాహకులకు సూచించారు. ఇప్పటి వరకు 5 ప్రైవేట్ ఆస్పత్రులకు కోవిడ్ ఆస్పత్రులుగా ఆదేశాలిచ్చారు.

• గాయత్రి విద్యాపరిషత్ మెడికల్ కళాశాల, ఆస్పత్రి
• ఎన్నారై ఆస్పత్రి
• ఇండస్ ఆస్పత్రి
• రాంనగర్ అపోలో ఆస్పత్రి
• హెల్త్‌ సిటీ ఎంబీ ఆస్పత్రి

ఈ ఐదు యాజమాన్యాలకు.. సిబ్బందితో సహా ఆస్పత్రిని సిద్దం చేయాలని జిల్లా కొవిడ్ సమన్వయ కర్త డాక్టర్ పివి సుధాకర్ కోరారు. ఇప్పటికే అందులో ఉన్న నాన్ కోవిడ్ రోగులను వేరే ఆసుపత్రులకు తరలించాలన్నారు.

ఇదీ చదవండి: