రేవ్ పార్టీ డ్రగ్ కేసులో ఆరుగురు అరెస్టు: డీజీపీ

విశాఖ రేవ్ పార్టీ డ్రగ్ కేసులో ఇప్పటివరకు ఆరుగురిని అరెస్టు చేశామని... ఐదుగురు డ్రగ్ సప్లయర్స్ ఉన్నట్లు గుర్తించామని డీజీపీ ఆర్పీ ఠాకూర్ తెలిపారు.

విశాఖ రేవ్ పార్టీ డ్రగ్ కేసు విషయంలో ఇప్పటివరకు ఆరుగురిని అరెస్టు చేశామన్న డీజీపీ... ప్రస్తుతానికి ఐదుగురు డ్రగ్ సప్లయర్స్ ఉన్నట్లు గుర్తించామని తెలిపారు. వందమంది డ్రగ్స్​ వినియోగించినట్లు తమ దర్యాప్తులో తేలిందని వివరించారు. ఈ కేసులో కొంతమంది పెద్దలు ఉన్నట్లు తమ దృష్టికి వచ్చిందని... వారిని కూడా త్వరలో అరెస్టు చేస్తామని డీజీపీ స్పష్టం చేశారు. విశాఖ నగరానికి ఓ ప్రత్యేకత ఉందని... ఆ పేరును పాడు చేయాలని చూస్తే ఉపేక్షించమని హెచ్చరించారు. డ్రగ్స్​కు సంబంధించి ఏ సమాచారమున్నా 75693 09090 అనే నంబర్​కు తెలియజేయాలని కోరారు. విశాఖలో రూ.1.6 కోట్లతో నిర్మించిన ఎంవీపీ మోడల్ పోలీస్​స్టేషన్​ను డీజీపీ ఆర్పీ ఠాకూర్ ప్రారంభించారు. ఇదే తరహాలో రాష్ట్రవ్యాప్తంగా పోలీస్​స్టేషన్లు నిర్మిస్తామని పేర్కొన్నారు.