పాయకరావుపేటలోని ఓ ఇంట్లో చోరీ... పోలీసుల దర్యాప్తు

తీర్థయాత్రలకు ఓ కుటుంబం వెళ్లగా...ఇదే అదునుగా భావించిన దొంగలు బంగారం, ఆభరణాలు అపహరించిన ఘటన విశాఖ జిల్లా పాయకరావుపేటలో జరిగింది.

విశాఖ జిల్లా పాయకరావుపేట చిన్నపీర్ల పంజావీధి సమీపంలో ఉన్న ఒక ఇంట్లో చోరీ జరిగింది. తాటిపాక ప్రసాదరావు అనే విశ్రాంత ఉద్యోగి అతని కుటుంబం... గత నెల 27న తీర్థయాత్రలకు వెళ్లారు. బీరువాలో నగదు, ఇతర బంగారు ఆభరణాలు అపహరణకు గురైనట్లు ప్రసాదరావు కుమారుడు గుర్తించి పోలీసులకు సమాచారం అందించాడు. దీనిపై నక్కపల్లి సర్కిల్ సీఐ విజయ్ కుమార్ దర్యాప్తు ప్రారంభించారు. తీర్థయాత్రకు వెళ్లిన వారు వస్తే పూర్తి వివరాలు తెలుస్తాయని పోలీసులు తెలిపారు.

ఇవీ చూడండి-తండ్రిపై పోలీసులకు ఎనిమిదేళ్ల బాలుడు ఫిర్యాదు