అదుపుతప్పి బొలెరో వాహనం బోల్తా... ఇద్దరి భవానీలు మృతి

భవానీ భక్తులు విజయవాడలో దీక్ష విరమించుకుని తిరిగి వస్తుండగా ప్రమాదం జరిగింది. విశాఖ యలమంచిలి వద్ద వాహనం బోల్తాపడింది. ఈ ఘటనలో ఇద్దరు మృతి చెందారు.

విశాఖ జిల్లా యలమంచిలి మండలంలో రోడ్డు ప్రమాదం జరిగింది. మర్రిబొంద సమీపంలో భవానీలతో ప్రయాణిస్తున్న వ్యాన్ అదుపు తప్పి బోల్తా పడింది. ఈ ప్రమాదంలో ఇద్దరు భవానీ భక్తులు మృతి చెందారు. మరో 12 మంది భక్తులు తీవ్రంగా గాయపడ్డారు. వీరంతా చోడవరం, అనకాపల్లి ప్రాంతాలకు చెందిన వారిగా గుర్తించారు.

ఇదీ జరిగింది
విజయవాడ దుర్గమ్మగుడిలో14 మంది భవానీ భక్తులు ఇరుముడులు సమర్పించారు. దీక్ష విరమించి తిరుగు ప్రయాణంలో యలమంచిలి సమీపంలో బొలెరో వాహనం అదుపుతప్పి బోల్తా పడింది. చోడవరానికి చెందిన సాలా పార్వతి, అనకాపల్లికి చెందిన బోండా సత్తిబాబు అక్కడికక్కడే మృతి చెందారు. క్షతగాత్రులను అనకాపల్లి ప్రభుత్వ ఆసుపత్రికి తరలించారు. పోలీసులు కేసు నమోదు చేసి దర్యాప్తు చేస్తున్నారు.

ఇవీ చదవండి