విశాఖ పాడేరు ఏజెన్సీ ముంచంగిపుట్టులో ఘోర రోడ్డు ప్రమాదం జరిగింది. ఎదురెదురుగా వస్తున్న రెండు ద్విచక్ర వాహనాలు ఢీకొన్న ఘటనలో ఇద్దరు యువకులు మృతి చెందారు. ఎదురుగా వస్తున్న ఆటోను తప్పించబోయి ఎదురెదురుగా రెండు ద్విచక్ర వాహనాలు బలంగా ఢీకొన్నాయి. అక్కడిక్కడే ఒక యువకుడు మృతి చెందాడు.
మరో యువకుడిని చికిత్స కోసం పాడేరు ఆసుపత్రికి తరలించారు. చికిత్స పొందుతూ రెండో యువకుడు సైతం చనిపోయాడు. మృతులు ముంచింగిపుట్టుకు చెందిన ఉదయ్ కుమార్, పెదబయలు మండలం కుతుర్లకు చెందిన వంతల చిన్నారావుగా గుర్తించారు.