ఏటికొప్పాక కళాకారుల కష్టాలపై స్పందించిన సింబయాసిస్ కంపెనీ సీఈవో
లాక్‌డౌన్‌తో పూట గడవడమే కష్టంగా మారిన ఏటికొప్పాక కళాకారుల దుస్థితిపై ఈటీవీ భారత్లో వచ్చిన'లక్కబొమ్మల గ్రామం వెలవెలబోతోంది' కథనానికి స్పందించారు. బొమ్మల తయారీనే వృత్తిగా నమ్ముకున్న కళాకారులను ఆదుకునేందుకు విశాఖకు చెందిన సింబయాసిస్ కంపెనీ సీఈవో నరేశ్కుమార్ ముందుకొచ్చారు. 130 పేద కుటుంబాలకు 10 రోజులకు సరిపడ నిత్యవసరాలను పంపిణీ చేశారు. కళాకారుల నుంచి 12 వేల రూపాయలు విలువ చేసే లక్క బొమ్మలను కొనుగోలు చేశారు. ఆ బొమ్మలను తన స్నేహితులకు చూపించి, కళాకారుల నుంచి కొనుగోలు చేయించేందుకు తన వంతు ప్రయత్నం చేస్తానంటున్నాడీ దాత.