కూర్మాసనం వేసి ప్రపంచ రికార్డు సాధించిన విశాఖకు చెందిన మహిళ
పది నిమిషాల పాటు కూర్మాసనం వేసి అనకాపల్లికి చెందిన కొణతాల జ్యోతి అనే మహిళ అరుదైన ప్రపంచ రికార్డు నెలకొల్పి గిన్నిస్ బుక్ లో స్థానం సాధించారు. గతంలో నిండు గర్భిణీగా ఉన్న సమయంలో ఆమె క్లిష్టమైన 40 ఆసనాలు వేసి నోబెల్ బుక్ ఆఫ్ వరల్డ్ రికార్డు సృష్టించింది. విశాఖ జిల్లా అనకాపల్లికి చెందిన జ్యోతి.. దశాబ్దకాలంగా భర్త విజయ్తో కలిసి చైనాలో నివాసముంటున్నారు.
గిన్నిస్ బుక్ ప్రతినిధుల సమక్షంలో పది నిమిషాల పాటు కూర్మాసనం వేసిన వీడియోను రికార్డ్ చేసి పంపింది. వారి నుంచి ఈనెల 9న ఆమోదం లభించగా.. బుధవారం ఆమెకు గిన్నిస్ బుక్ ప్రతినిధులు ధ్రువపత్రం అందించినట్లు వెల్లడించింది.