అనకాపల్లిలో... గంజాయి తరలిస్తున్న వ్యాన్ బీభత్సం

అనకాపల్లిలో గంజాయి లోడుతో వెళ్తున్న ఓ వ్యాన్​ బీభత్సం స్పష్టించింది. పోలీసుల నుంచి తప్పించుకునే క్రమంలో నలుగురిని ఢీకొట్టింది. చివరకు వాహనాన్ని వదిలేసి నిందితులు పరారయ్యారు.

విశాఖ జిల్లా అనకాపల్లిలో గంజాయి తరలిస్తున్న వ్యాన్ బీభత్సం స్పష్టించింది. విశాఖ ఏజెన్సీ నుంచి వ్యాన్​లో గంజాయి తరలిస్తున్నారని సమాచారం అందుకున్న పోలీసులు....అనకాపల్లి మండలం తుమ్మపాల వద్ద మాటు వేశారు. వీరిని తప్పించుకునే ప్రయత్నంలో గంజాయితో వెళుతున్న వాహనం నలుగురని ఢీకొట్టింది. వీరికి స్వల్పగాయాలయ్యాయి. పోలీసులు వాహనాన్ని వెంబడించటంతో చేసేది లేక అనకాపల్లిలోని గాంధీనగరం వద్ద
గంజాయితో సహా వాహనాన్ని వదిలి నిందితులు పరారయ్యారు. సినీ ఫక్కీలో జరిగిన ఈ సంఘటన అనకాపల్లిలో అలజడిని రేకెత్తించింది. గంజాయి ఉన్న వాహనాన్ని పోలీసులు అదుపులోకి తీసుకొని విచారణ చేపడుతున్నారు.

ఇదీ చదవండి
ప్రధాని మోదీకి సీఎం జగన్ లేఖ