తప్పించుకున్న గంజాయి స్మగ్లర్లను అదుపులోకి తీసుకున్న పోలీసులు

విశాఖ జిల్లా పెందుర్తి నియోజకవర్గంలోని సబ్బవరంలో గంజాయి తరలిస్తున్న ఇద్దరు వ్యక్తులను పోలీసులు పట్టుకున్నారు. వారి వద్ద నుంచి లక్షలు విలువచేసే గంజాయిని స్వాధీనం చేసుకున్నట్లు పోలీసులు తెలిపారు.

విశాఖ జిల్లా పెందుర్తి నియోజకవర్గంలోని సబ్బవరంలో తప్పించుకున్న ఇద్దరు గంజాయి స్మగ్లర్లను అదుపులోకి తీసుకున్నట్లు పోలీసులు తెలిపారు. మండలంలో నిన్న ఉదయం… మామిడి పళ్ల వ్యాన్​లో గంజాయి తరలిస్తూ ఇద్దరు వ్యక్తులు పట్టుబడ్డారు. వారిద్దరూ పోలీస్​ స్టేషన్​ నుంచి తప్పించుకుని పరారయ్యారు.

వెంటనే అప్రమత్తమైన స్థానిక ఎస్సై చంద్రశేఖర్ రావు మరో ఎస్సై సతీష్​, స్థానిక రైతుల సహకారంతో తవ్వవానిపాలెం పొలాల్లో… నిందితులను పట్టుకున్నారు. వారి నుంచి సుమారు రూ.60 లక్షలు విలువచేసే గంజాయిని స్వాధీనం చేసుకున్నామని పోలీసులు తెలిపారు. ఈ ఇద్దరు… బిహార్​కు చెందిన నందకిషోర్​, జాన్​ కుమార్​గా గుర్తించామని చెప్పారు.

ఇదీ చదవండి: