ఇదేం పని.. పోలింగ్ బూత్​లో పార్టీ రంగులా?!

విశాఖ జిల్లా పాడేరు ఓటింగ్ కేంద్రంలో పార్టీ రంగులు కలిగిన స్టాండ్ ఉండడంతో ఓటర్లు అసహనం వ్యక్తం చేశారు. ఇదేంటీ పార్టీ రంగులు అంటూ పలువురు ప్రశ్నించారు. ఈ విషయం మీడియా దృష్టికి రావడంతో స్టాండ్​ను తొలగించారు.

విశాఖ జిల్లా పాడేరు జూనియర్ కళాశాలలో పదహారు వార్డులకు పోలింగ్ జరుగుతోంది. ఏడో వార్డులో పోలింగ్ ముద్రవేసే బాక్స్ స్టాండ్.. పక్కన వైకాపా రంగులు కనబడటంతో కొంత మంది ఓటర్లు అసహనం వ్యక్తం చేశారు. సంబంధిత పోలింగ్ అధికారిని ప్రశ్నించగా.. ట్యూబ్​లైట్ కవర్లను ఇలా వినియోగించామని చెప్పారు. యాదృచ్ఛికంగా జరిగిందని తెలిపారు. వాటిని తొలగించారు. మరోపక్క 11వ వార్డులో ఓ వ్యక్తి చాలాసేపు పోలింగ్​ బూత్​లో ఉండటంతో అతడిని వెంటనే బయటికి పంపించాలని ఎమ్మెల్యే భాగ్యలక్ష్మి డిమాండ్ చేశారు. పోలీసులు సదరు వ్యక్తిని బయటకు పంపించారు.

ఇదీ చదవండి:ప్రశాంతంగా మూడో విడత పంచాయతీ ఎన్నికల పోలింగ్