కేంద్ర ప్రభుత్వం.. రాష్ట్రంపై ప్రత్యేక శ్రద్ధ చూపిస్తోందని భాజపా ఎంపీ జీవీఎల్ నరసింహారావు అన్నారు. విశాఖలో దశాబ్దాల కల - దక్షిణ కోస్తా రైల్వే జోన్ అనే అంశంపై... పౌర గ్రంథాలయంలో జరిగిన సదస్సుకు ఆయన ముఖ్య అతిథిగా హాజరయ్యారు. రైల్వే మంత్రితో మాట్లాడి రాష్ట్రానికి పూర్తి స్థాయి న్యాయం చేస్తామని తెలిపారు. ఆంధ్రప్రదేశ్కు నాలుగు పారిశ్రామిక నగరాలను ఇచ్చింది మోదీ ప్రభుత్వమేనని స్పష్టం చేశారు.
రైల్వే జోన్ సాధన.. భాజపా ప్రభుత్వం వల్లే సాకారమైందని జీవీఎల్ చెప్పారు. విభజన చట్టంలో రైల్వే జోన్ అంశం పరిశీలించాలని మాత్రమే ఉందని, కానీ భాజపా చొరవతోనే వచ్చిందని స్పష్టం చేశారు. రెండు పూర్తి స్థాయి గూడ్స్ కారిడార్స్ ఏర్పాటు చేసినట్టు ప్రకటించారు. దేశంలో మొట్టమొదటి స్మార్ట్ సిటీగా విశాఖను ప్రధాని మోదీ ప్రకటించారని గుర్తు చేశారు. వాల్తేరు రైల్వే డివిజన్ తిరిగి కొనసాగించే అంశంపై కేంద్రమంత్రి దృష్టికి తీసుకువెళ్తనని హామీ ఇచ్చారు.