రచ్చబండ కార్యక్రమంలో భాగంగా విశాఖ జిల్లా రోలుగుంట మండలం ముఖాసా కొత్తపట్నం, బిబిపట్నం, రత్నం పేట తదితర గ్రామాల్లో ఎమ్మెల్యే కరణం ధర్మశ్రీ.. ఆయా ప్రాంతాల స్థానికులను కలుసుకున్నారు. వైకాపా ప్రభుత్వం అధికారంలోకి వచ్చిన కేవలం 18 నెలల్లోనే అనేక ఫలాలను పేదలకు అందించామని చెప్పారు.
రైతు భరోసా, అమ్మఒడి, విద్యా కానుక తదితర కార్యక్రమాలతో పేదల జీవితాల్లో వెలుగులు నింపుతున్నామని పేర్కొన్నారు. అనంతరం రత్నంపేటలో అభివృద్ధి పనులకు శంకుస్థాపన చేశారు. కార్యక్రమంలో నేతలు అప్పలనాయుడు, భాస్కరరావు, సత్యంనాయుడు, శ్రీనివాసరావు తదితరులు పాల్గొన్నారు.