'ఎమ్మెల్యే కిడారి' హత్య కేసులో నిందితుడి లొంగుబాటు

ఆంధ్రా - ఒడిశా సరిహద్దులోని మల్కాన్​గిరిలో ఓ మావోయిస్టు పోలీసుల ఎదుట లొంగిపోయాడు. 2018లో అరకు ఎమ్మెల్యే కిడారి సర్వేశ్వరరావు హత్యతో సంబంధం ఉన్న జిప్రొ హాబిక అనే మావోయిస్టు... మల్కాన్​గిరి ఎస్పీ రిషికేశ్ డి కిలారి ఎదుట లొంగిపోయారు. కుడుములుగుమ్మ, మల్కాన్​గిరి కొరాపుట్, విశాఖ డివిజన్ కమిటీలో కీలక వ్యక్తిగా జిప్రొ వ్యవహరించారు. ఇతనిపై రూ.4 లక్షల రివార్డ్ ఉంది. సుంకి ఘాట్​లో పోలీస్ వాహనం పేల్చివేత, పాడువ ప్రాంతం​లో పలు ఘటనలతో జిప్రొకు ప్రమేయం ఉందని పోలీసులు వివరించారు. మారుమూల ప్రాంతాల్లో జరుగుతున్న అభివృద్ధి పనుల వల్లే... ఉద్యమం నుంచి వైదొలుగుతున్నానని జిప్రొ తెలిపారు.

ఇదీ చూడండి.విశాఖ భూకుంభకోణం: సిట్​ గడువు 3 నెలలు పెంపు