విశాఖ మన్యంలో దారుణం జరిగింది. కుటుంబ కలహాలతో సొంత అన్నను నాటు తుపాకీతో కాల్చి తమ్ముడు హత్య చేశాడు. పెదబయలు మండలం కుంతుర్ల గ్రామానికి చెందిన కొంటా రాంబాబు, కృష్ణారావు అన్నదమ్ములు. కుటుంబ కలహాలతో కొన్ని రోజులుగా వీరు ఘర్షణ పడుతున్నారు. ఆదివారం రాత్రి గొడవ తారస్థాయికి చేరింది. సహనం కోల్పోయిన కృష్ణారావు... నాటు తుపాకీతో అన్న రాంబాబు(40)ను కాల్చాడు. బాధితుడు అక్కడికక్కడే ప్రాణాలు విడిచాడు.
మారుమూల ప్రాంతంలో ఘటన జరగటంతో పోలీసులకు సోమవారం సమాచారమందింది. పోలీసులు ఆ గ్రామానికి వెళ్లి వివరాలు తెలుసుకున్నారు. కేసు నమోదు చేసి దర్యాప్తు చేస్తున్నారు.