ప్రతి సంవత్సరం ప్రవేశపెడుతున్న బడ్జెట్లో విశాఖలోని ప్రధాన ప్రాజెక్టులకు మొండిచేయే ఎదురవుతోంది. మాడుగుల మండలంలోని పెద్దేరు, చీడికాడ మండలంలో కోనాం, దేవరాపల్లి మండలంలోని రైవాడ ప్రాజెక్టులు ఉన్నాయి. వాటి ఆయకట్టు పరిధిలో వేలాది ఎకరాలకు సాగునీరు అందుతోంది. జలాశయాలతో పాటు ఆయకట్టు ప్రాంతాల్లో అనేక సమస్యలు సమస్యలున్నాయి. పలు అభివృద్ధి పనులు చేపట్టాల్సి ఉంది. ప్రతి సంవత్సరం ప్రవేశపెడుతున్న బడ్జెట్లో నిధులే కేటాయించట్లేదు.
రాష్ట్ర ప్రభుత్వం ప్రవేశపెట్టిన బడ్జెట్లో పెద్దేరు జలాశయానికి రూ.10.5 లక్షలు, కోనాం జలాశయానికి రూ.10 లక్షలు, రైవాడ జలాశయానికి చాలా తక్కువగా రూ.2 లక్షలు మాత్రమే కేటాయింపులు చేశారు. దీంతో ప్రాజెక్టుల నిర్వహణపై అధికారులు తలలు పట్టుకుంటున్నారు. దీనిపై పలువురు ఆయకట్టు రైతులు అసంతృప్తి వ్యక్తం చేస్తున్నారు.