రెండు రోజుల కిందట తప్పిపోయింది..శవమై తేలింది

రెండు రోజుల కిందట తప్పిపోయిన బాలిక శవమై తేలిన ఘటన విశాఖ జిల్లాలో చోటు చేసుకుంది. ఘటనపై పోలీసులు దర్యాప్తు చేస్తున్నారు.

విశాఖ జిల్లా కుమ్మరి కాలనీకి చెందిన ప్రణతి అనే బాలిక జుత్తాడ ప్రభుత్వ బడిలో తొమ్మిదో తరగతి చదువుతుంది. రెండు రోజుల కిందట బాలిక అదృశ్యమైనట్లు తల్లిదండ్రులు పెందుర్తి పీఎస్​లో ఫిర్యాదు చేశారు. పోలీసులకు పూలగానిపల్లె నల్ల క్వారీ చెరువులో ఓ మృతదేహం లభ్యమైంది. దానిని పరిశీలించగా ఆ శవం తప్పిపోయిన బాలికదేనని పోలీసులు గుర్తించారు. బాలిక తల్లిదండ్రులకు సమాచారమివ్వగా.. ఘటనాస్థలానికి చేరుకుని కన్నీటిపర్యంతమయ్యారు. మృతదేహాన్ని పోస్టుమార్టం నిమిత్తం కేజీహెచ్ ఆసుపత్రికి తరలించినట్లు ఎస్​ఐ శ్రీనివాస్ తెలిపారు.

ఇవీ చదవండి