జుత్తాడ హత్యల్లో ట్విస్ట్​..అప్పలరాజు ఒక్కడే చంపలేదన్న మృతుల బంధువులు

జుత్తాడ హత్యోదంతంలో మొత్తం ఏడుగురి హస్తం ఉందని మృతుల బంధువులు ఆరోపిస్తున్నారు. విశాఖ కలెక్టర్, మంత్రి అవంతిని కలిసి.. ఫాస్ట్​ట్రాక్ కోర్టు ద్వారా నిందితుడు అప్పలరాజును కఠినంగా శిక్షించాలని విజ్ఞప్తి చేశారు.

విశాఖ జిల్లా జుత్తాడ హత్యాకాండలో మరో కొత్త కోణం వెలుగులోకి వచ్చింది. తన కుటుంబ సభ్యులను దారుణంగా హతమార్చిన ఘటనలో మొత్తం ఏడుగురి హస్తం ఉందని బాధితుడు విజయ్ ఆరోపించారు. ఈ మేరకు ఫాస్ట్​ట్రాక్ కోర్టు ఏర్పాటు చేసి నిందితుడుని కఠినంగా శిక్షించాలని డిమాండ్ చేశారు. కుటుంబ సభ్యులు, బంధువులతో కలిసి మంత్రి అవంతి శ్రీనివాసరావు, కలెక్టర్​కు వినతిపత్రం సమర్పించారు. ధన ప్రభావంతో నిందితుడు వ్యవస్థలను గుప్పిట్లో పెట్టుకుంటున్నాడని ఆరోపించారు.

ఇదీ చదవండి:'చేతులు జోడించి అడుగుతున్నా.. పోలింగ్​ కుదించండి'

తన కుమార్తెపై అత్యాచారం చేసినందుకు అందరినీ హత్య చేశానని చెప్తున్న అప్పలరాజు.. పగ ఉంటే తనపై నేరుగా తీర్చుకోవాలి కానీ కుటుంబం ఏం చేసిందని బాధితుడు విజయ్ ప్రశ్నించాడు. ఈ హత్యోదంతంలో ప్రమేయం ఉన్న ఏడుగురినీ ఉరి తీయాలని డిమాండ్ చేస్తున్నారు. మరో నెలలో జరగనున్న పెళ్లికి హాజరయ్యేందుకు వచ్చిన తన తల్లిని చంపడం దారుణమని మృతురాలు రమాదేవి కుమారుడు ఆవేదన వ్యక్తం చేశాడు.

ఇదీ చదవండి: