గుండెపోటుతో జర్రెల పంచాయతీ సర్పంచ్ మృతి

గుండెపోటుతో విశాఖ జిల్లా ముంచింగిపుట్టు మండలం జర్రెల పంచాయతీ సర్పంచ్ మృతి చెందారు. మృతురాలు సీపీఎం తరపున రెండోసారి సర్పంచ్​గా ఎన్నికయ్యారు.

విశాఖ జిల్లా ముంచింగిపుట్టు మండలం జర్రెల పంచాయతీ సర్పంచ్ వంతాల లలిత (38) గుండెపోటుతో మృతి చెందారు. గుండెనొప్పి రావడంతో ఆమెను ముంచింగిపుట్టు ఆసుపత్రికి తరలించగా.. చికిత్స పొందుతూ మృతి చెందారు. సీపీఎం తరపున లలిత రెండోసారి సర్పంచ్​గా ఎన్నికయ్యారు. ఆమె మృతితో గ్రామంలో విషాదం నెలకొంది. మృతదేహానికి సీపీఎం మండల కార్యదర్శి కొర్రా త్రినాథ్ నివాళులు అర్పించారు.

ఇదీ చూడండి.దారుణం: మద్యం మత్తులో అల్లుడిని చంపిన మామ