బార్​ను మూసేయాలని జనసేన నేత ధర్నా

నిబంధనలకు విరుద్ధంగా మద్యం విక్రయిస్తున్న బార్​ను మూసేయాలని కోరుతూ దుకాణం ఎదుట జాతీయ రహదారిపై ధర్నా నిర్వహించారు. విశాఖపట్నం జిల్లా ఎలమంచిలిలో నియోజకవర్గం జనసేన ఇన్​ఛార్జ్ సుందరపు విజయ్ కుమార్ ఆందోళన చేశారు.

ఎలమంచిలిలో నిబంధనలకు విరుద్ధంగా మద్యం విక్రయిస్తున్న సింహాద్రి బార్ అండ్ రెస్టారెంట్ మూసేయాలని ధర్నా చేశారు. నియోజకవర్గం జనసేన ఇన్​ఛార్జ్ సుందరపు విజయ్ కుమార్ జాతీయ రహదారిపై బైఠాయించారు. పార్టీ కార్యకర్తలు అతనికి అండగా తరలివచ్చారు. ఎక్సైజ్ అధికారులు రావాలంటూ విజయ్ కుమార్ డిమాండ్ చేశారు. బార్​పై చర్యలు తీసుకునే వరకు ఉద్యమం కొనసాగిస్తానని ఆయన ప్రకటించారు. రోడ్డు మధ్యలో కూర్చోని ధర్నా చేయటంతో వాహనాల రాకపోకలకు ఇబ్బంది కలిగింది.

ఇదీ చదవండి:'రైతులకు నష్టం చేకూర్చే చట్టాలను రద్దు చేయాలి'