విశాఖలోని ఏసీఏ-వీడీసీఏ మైదానంలో భారత్- దక్షిణాఫ్రికా జట్ల మధ్య ఇవాళ జరగబోయే మూడో టీ-20 మ్యాచ్కు అన్ని ఏర్పాట్లు పూర్తి చేసినట్లు ఆంధ్ర క్రికెట్ అసోసియేషన్ తెలిపింది. బీసీసీఐ నియమ నిబంధనలకు అనుగుణంగా ఇక్కడ పిచ్ను రూపొందించినట్లు ఏసీఏ ట్రెజరర్ గోపీనాథ్ రెడ్డి తెలిపారు. కొవిడ్ కారణంగా గత కొన్నేళ్లుగా ఇక్కడ మ్యాచ్ నిర్వహించకపోవటం వల్ల ఇవాళ మ్యాచ్కు భారీ స్థాయిలో అభిమానులు హాజరయ్యే అవకాశాలు ఉన్నాయని ఏసీఏ వర్గాలు అంచనా వేస్తున్నాయి.
ఇప్పటికే ఆన్లైన్ ద్వారా ఆఫ్లైన్ ద్వారా 27 వేల టిక్కెట్లు అమ్మినట్లు చెప్పారు. అయితే పూర్తి స్థాయిలో టికెట్లు అమ్మలేదని అభిమానుల నుంచి వస్తున్న ఆరోపణల్లో నిజం లేదని ఏసీఏ ట్రెజరర్ గోపీనాథ్ రెడ్డి అన్నారు. వర్షం వచ్చినా సరే అరగంటలో మళ్లీ మ్యాచ్ మొదలయ్యే విధంగా ఇక్కడ ఏర్పాటు చేసినట్లు తెలిపారు. మ్యాచ్కు ఎలాంటి ఆటంకాలు కలగకుండా గట్టి పోలీసు బందోబస్తు ఏర్పాటు చేయటంతో పాటు వాహనాలకు ఎలాంటి ఇబ్బందులు తలెత్తకుండా సాయంత్రం 5 గంటల నుంచి వాహనాలను దారి మళ్లించనున్నట్లు వెల్లడించారు.