విషాదం: కరోనాతో ఒకే కుటుంబలో ముగ్గురు మృతి

కరోనా మహమ్మారి ఆ కుటుంబంలో తీవ్ర విషాదం నింపింది. ఒకే కుటుంబంలో ముగ్గురుని వైరస్ బలిగొన్న ఘటన విశాఖ జిల్లా టి. సిరసపల్లి గ్రామంలో నెలకొంది.

విశాఖ జిల్లా మునగపాక మండలం టి. సిరసపల్లి గ్రామానికి చెందిన ఓ కుటుంబంలో ముగ్గురుని కరోనా మహమ్మారి పొట్టన బెట్టుకుంది. గ్రామానికి చెందిన పొలమర శెట్టి చిన్నమ్మడు(75) కి కరోనా సోకడంతో ఐదురోజుల క్రితం మృతి చెందింది. అనంతరం మృతురాలి అల్లుడు, కూతురు.. మళ్ల త్రినాథరావు(52), నూకరత్నం కొవిడ్ బారినపడ్డారు. అనకాపల్లిలోని ఓ ప్రైవేట్ ఆస్పత్రిలో చికిత్స పొందుతూ సోమవారం అతను మృతి చెందరగా.. ఇవాళ ఆమె మృతి చెందింది. దీంతో ఆ కుటుంబ సభ్యులు కన్నీరు మున్నీరుగా విలపిస్తున్నారు. ఒకే కుటుంబంలో ముగ్గురి మృతి ఆ గ్రామంలో తీవ్ర విషాదం నింపింది.

ఇవీ చదవండి: