శారీరక దృఢత్వాన్ని పెంచే విన్యాసాలతో ఆకట్టుకున్న విద్యార్థులు

Vijnana Vihara Residential School: విద్యార్థులు చదువుతో పాటు క్రీడలు, ఇతర కార్యక్రమాలలో కూడా పాల్గొనాలి. అప్పుడే శారీరకంగా ఆరోగ్యంగా ఉంటారు. విశాఖ జిల్లా గుడిలోవ విద్యార్థులు.. ఈ కోవకే చెందుతారు. వారు చేసిన విన్యాసాలు, ధైర్య సాహసాలు చూపరులను ఆకట్టుకున్నాయి. విద్యాలయం వార్షికోత్సవం సందర్భంగా నిర్వహించిన ఈ కార్యక్రమాన్ని తోటి విద్యార్థులు ఆసక్తిగా తిలకించారు.

Vijnana Vihara Residential School: విశాఖ జిల్లా ఆనందపురం మండలం గుడిలోవలోని విజ్ఞాన విహార ఆవాస విద్యాలయం 43వ వార్షికోత్సవ వేడుకలు ఘనంగా జరిగాయి. ఈ సందర్భంగా ఏర్పాటు చేసిన పలు ప్రదర్శనలను విజయనగరం ఆర్డీఓ గణపతిరావు ప్రారంభించారు. విద్యార్థుల శారీరక దారుఢ్య ప్రదర్శనలు, ధైర్య సాహసాలు గగుర్పాటు కలిగించాయి. జిమ్నాస్టిక్స్ మాదిరిగా చేసిన విన్యాసాలను రాజ్యసభ సభ్యులు జీవీఎల్ నరసింహారావు తిలకించి విద్యార్థులను ప్రశంసించారు.

ఇవీ చదవండి: