ద్విచక్రవాహనదారులకు హెల్మెట్లు అందజేస్తున్న సీపీ ఆర్కే మీనా
విశాఖలో ప్రమాదాల నివారణకు పోలీసులు నూతన కార్యక్రమానికి శ్రీకారం చుట్టారు. ద్విచక్రవాహనం వెనుక కూర్చున్నవారు కూడా హెల్మెట్ ధరించాలన్న అంశంపై అవగాహన కల్పిస్తున్నారు. బైక్ నడిపేవారితో పాటు వెనకున్నవారూ శిరస్త్రాణం ధరిస్తే సురక్షితంగా ఉంటారంటూ ప్రచారం చేస్తున్నారు. అందులో భాగంగా మద్దిలపాలెం వద్ద వివిధ వర్గాల సహకారంతో.. నగర పోలీస్ కమిషనర్ ఆర్కే మీనా ఆధ్వర్యంలో వాహనదారులకు హెల్మెట్లు అందించారు. ప్రజలు నిబంధనలు పాటించాలని కమిషనర్ సూచించారు.