సచివాలయం కార్యాలయం వద్ద దివ్యాంగుడి వీరంగం
విశాఖ జిల్లా మ‌న్యంలోని గూడెం కొత్త‌వీధి మండ‌లం దుప్పిల‌వాడ పంచాయతీ పెద‌గొంది గ్రామానికి చెందిన వంత‌ల‌దెబో దివ్యాంగుడు. క‌ళ్లు పూర్తిగా క‌న‌బ‌డ‌ని కారణంగా అతనికి పింఛన్ వస్తోంది. కొన్ని కారణాలతో మూడు నెల‌ల నుంచి వంతలదెబోకు పింఛన్ నిలిచిపోయింది. తన సమస్యను పరిష్కరించాలని సంబంధిత వాలంటీర్లు, పంచాయతీ అధికారులను సంప్రదించాడు. అయినా వారి నుంచి స్పందన లేకపోవడంతో స్థానిక గ్రామ స‌చివాల‌యానికి చేరుకున్నాడు. తనకు పింఛన్ ఇస్తారా?, లేదా? అని సిబ్బందితో వాగ్వాదానికి దిగాడు. క‌ర్ర‌తో కొట్టేందుకు యత్నించాడు. హఠాత్పరిణామంతో భయభ్రాంతులకు గురైన సిబ్బంది కార్యాలయంలోకి వెళ్లి తలుపులు వేసుకున్నారు.