గీతం డీమ్డ్ విశ్వవిద్యాలయం ప్రవేశ పరీక్ష షెడ్యూల్​ విడుదల

విశాఖ గీతం డీమ్డ్ విశ్వవిద్యాలయంలో ప్రవేశాలకు నోటిఫికేషన్​ విడుదలైంది. ఇంజినీరింగ్, బీ ఫార్మసీ, ఎమ్.ఆర్క్ కోర్సుల ప్రవేశ పరీక్ష 2020 ఏప్రిల్ 11 నుంచి 21 వరకు జరగనుంది. ఈ మేరకు విశ్వవిద్యాలయ ఉపకులపతి కె. శివరామకృష్ణ వివరాలు వెల్లడించారు.

విశాఖ గీతం విశ్వవిద్యాలయంలో ఇంజినీరింగ్, బీ ఫార్మసీ, ఎమ్.ఆర్క్ కోర్సుల ప్రవేశ పరీక్షకు సంబంధించి అఖిల భారత ప్రవేశ పరీక్షను 2020 ఏప్రిల్​ 11 నుంచి 21 వరకు నిర్వహిస్తున్నట్లు వర్శిటీ ఉపకులపతి ఆచార్య కె.శివరామకృష్ణ తెలిపారు. విశాఖపట్నం, హైదరాబాద్, బెంగళూరు విశ్వవిద్యాలయం క్యాంపస్లలో ఇంజినీరింగ్​లో 21 బీటెక్ కోర్సులు... 13 ఎంటెక్ కోర్సులు... బీ ఫార్మసీ... ఎం ఫార్మసీ.. రెండేళ్ల ఎంఆర్క్ కోర్సులకు గ్యాట్ 2020 ప్రవేశ పరీక్షను నిర్వహించనున్నట్లు తెలిపారు. దేశంలోని 50 పట్టణాల్లో ఆన్​లైన్ విధానం ద్వారా ప్రవేశ పరీక్ష ఉంటుందన్నారు.

ప్రవేశ పరీక్షకు దరఖాస్తు విధానం

ప్రవేశ పరీక్షకు సంబంధించిన దరఖాస్తులు దేశవ్యాప్తంగా యూనియన్ బ్యాంక్, ఇండియన్ బ్యాంక్, కరూర్ వైశ్యా బ్యాంక్ శాఖల్లో లభిస్తాయని తెలిపారు. గీతం ఇంజినీరింగ్ పరీక్ష కొరకూ ఆన్​లైన్​లో www.gitam.edu ద్వారా దరఖాస్తు చేసుకోవాలన్నారు. పూర్తి చేసిన దరఖాస్తులను మార్చి 30వ తేదీలోగా అందజేయవలసి ఉంటుందని చెప్పారు. ఏప్రిల్ 5వ తేదీ నుంచి గీతం వెబ్​సైట్​లో హాల్​టికెట్లను డౌన్​లోడ్​ చేసుకోవచ్చని అన్నారు. ఏప్రిల్ 25వ తేదీన ఫలితాలను వెల్లడిస్తామని ఉపకులపతి వివరించారు.

ఇదీ చూడండి: