సింహాద్రి అప్పన్న దర్శించుకున్న హైకోర్టు న్యాయమూర్తులు విశాఖపట్నంలోని సింహాద్రి అప్పన్న ఆలయాన్ని హైకోర్టు న్యాయమూర్తులు దర్శించుకున్నారు. జస్టిస్ కె. విజయలక్ష్మి, జస్టిస్ డి. రమేష్, జస్టిస్ ఆర్. రఘునందన్ రావు, జస్టిస్ ఎం. గంగారావులకు ఆలయ అర్చకులు పూర్ణకుంభంతో స్వాగతం పలికారు. ఈ కార్యక్రమంలో ఈఓ సూర్యకళ, ఆలయ అధికారులు కూడా పాల్గొన్నారు.
ఆలయానికి చేరుకున్న నలుగురు న్యాయమూర్తులు స్వామివారికి ప్రత్యేక పూజలు చేశారు. అనంతరం ఆలయ ఈఓ సూర్యకళ న్యాయమూర్తులకు తీర్థప్రసాదాలను అందజేశారు. ఆలయ అర్చకులు ఆశీర్వచనాలు అందించారు. ఆ తర్వాత ఆలయంలో జరుగుతున్న అభివృద్ధి పనులను న్యాయమూర్తులకు వివరించారు. భక్తులకు కల్పిస్తున్న సౌకర్యాలను గురించి తెలియజేశారు.
ఇదీ చూడండి:Ramoji film city: రామోజీ ఫిలింసిటీకి పర్యాటక పురస్కారం
