షార్ట్ సర్క్యూట్​తో కంటైనర్​ దగ్ధం

విశాఖ జిల్లా నక్కపల్లి మండలం వేంపాడు సమీపంలోని జాతీయ రహదారిపై ఓ కంటైనర్​ దగ్ధమైంది. కంటైనర్​కు విద్యుత్​ అందించే మోటారు వద్ద షార్ట్ సర్క్యూట్ కావడం వల్ల మంటలు చెలరేగాయి. డ్రైవర్ అప్రమత్తమై కిందకి దూకేయటంతో ప్రమాదం నుంచి బయటపడ్డాడు.

విశాఖ జిల్లా నక్కపల్లి మండలం వేంపాడు సమీపంలోని జాతీయ రహదారిపై ఓ కంటైనర్​ దగ్ధమైంది. మెర్స్ క్యారియర్స్ సంస్థకు చెందిన ఏసీ కంటైనర్ తెల్లవారుజామున 5 గంటల సమయంలో విశాఖపట్నం నుంచి భీమవరం బయల్దేరింది. నక్కపల్లి మండలం వేంపాడు సమీపానికి చేరుకునే సరికి కంటైనర్​కు విద్యుత్​ అందించే మోటారు వద్ద షార్ట్ సర్క్యూట్ జరిగి మంటలు చెలరేగాయి. గమనించిన డ్రైవర్, క్లీనర్​ అప్రమత్తమై కిందికి దూకేయటంతో ప్రాణాలతో బయటపడ్డారు. సమాచారం అందుకున్న తుని అగ్ని మాపక సిబ్బంది ఘటనా స్థలానికి చేరుకుని మంటలను అదుపు చేశారు.

ఇదీ చూడండి: