BIRTHDAY CELEBRATIONS: ఆరని తండ్రి.. కంట తడి

BIRTHDAY CELEBRATIONS: ఆ తండ్రికి ఆడపిల్ల పుడితే లక్ష్మిదేవి పుట్టిందని మురిసిపోయాడు. పుట్టిన దగ్గరనుంచి గుండెల మీద పెట్టుకొని గారాబం చేశాడు. కానీ ఆ సంతోషం ఎంతో కాలం నిలవలేదు. పుట్టిన ఎనిమిది సంవత్సరాల తర్వాత బ్లడ్ క్యాన్సర్​తో మృతి చెందింది. అల్లారు ముద్దుగా పెంచుకున్న కూతురు మరణించడంతో ఆ తండ్రి ఆవేదన వర్ణనాతీతం. కూతురు పుట్టినరోజు సందర్భంగా కుమార్తె త్రీడీ ఫొటో పెట్టి ఆమె అందరి మధ్య ఉన్న భావనను కల్పిస్తూ ఘనంగా వేడుకలు జరిపారు.

BIRTHDAY CELEBRATIONS: తన గారాల పట్టి లేనప్పటికీ ఆమె జ్ఞాపకాలతో జీవిస్తున్న ఓ తండ్రి ఆమె ఫొటో పెట్టి ఆమె ఉన్నప్పటి మాదిరిగానే పుట్టినరోజు వేడుకలను నిర్వహించిన ఘటన విశాఖ జిల్లా భీమిలి మండలం కృష్ణంరాజు పేట గ్రామంలో జరిగింది. వివరాల్లోకి వెళ్తే తుపాకుల అప్పలనాయుడు కుమార్తె ప్రవళ్లికారెడ్డి (8) ఈ ఏడాది మార్చి10న బ్లడ్ క్యాన్సర్​తో మృతి చెందింది. చనిపోయిన కూతురు పుట్టినరోజు సందర్భంగా ఆమె చదివిన ట్యూషన్ సెంటర్​లో బాలల మధ్య ఆదివారం రాత్రి కుమార్తె త్రీడీ ఫొటో పెట్టి ఆమె అందరి మధ్య ఉన్న భావనను కల్పిస్తూ ఘనంగా వేడుకలు జరిపారు. పితృదినోత్సవం కూడా కావడంతో ఇది చూసినవారంతా ఆ తండ్రి ప్రేమకు ఔరా అంటూ చిన్నారి వారి మధ్య లేకపోవడంతో కంటతడి పెట్టుకున్నారు.

ఇవీ చదవండి: