విశాఖ జిల్లా ఏజెన్సీలో.. రైతు భరోసా డబ్బులు తీసుకునేందుకు లబ్ధిదారులు నానా అవస్థలు పడుతున్నారు. డబ్బులు పొందే బ్యాంకులు, ఎస్బీఐ కస్టమర్ కేంద్రాల వద్ద బారులు తీరుతున్నారు. మండే ఎండలో రోడ్డు పక్కన ఇబ్బంది ఎదుర్కొంటున్నారు.
పాడేరు, జి.మాడుగుల, హుకుంపేట, పెదబయలు, చింతపల్లి పరిధిలో బ్యాంకుల వద్ద రైతులు బారులు తీరారు. గ్రామాల వారీగా.. టోకెన్ పద్ధతిలో నిధులు ఇళ్లకు తెచ్చి ఇస్తే లబ్ధిదారులకు కొన్ని ఇబ్బందులు తొలగించవచ్చని వారు అభిప్రాయం వ్యక్తం చేస్తున్నారు.