విశాఖ హెచ్​పీసీఎల్ రిఫైనరీలో పొగలు.. ఆందోళనలో ప్రజలు

ఎల్జీ పాలిమర్స్ ఘటన మరవకముందే.. విశాఖ ప్రజలు మరోసారి ఉలిక్కిపడ్డారు. హెచ్​పీసీఎల్ రిఫైనరీ గొట్టాల నుంచి దట్టమైన పొగలు రావడంతో స్థానికులు భయందోళనకు గురయ్యారు.

విశాఖలోని మాల్కాపురంలో హెచ్‌పీసీఎల్‌ రిఫైనరీ గొట్టాల నుంచి దట్టమైన పొగలు వచ్చాయి. రిఫైనరీ ఎస్‌హెచ్‌యూ నుంచి పొగలు రావడంతో స్థానికులు ఒక్కసారిగా బెంబేలెత్తి పోయారు. దట్టంగా పొగలు వచ్చాయని.. ఎన్‌ఏడీ, మర్రిపాలెం, కంచరపాలెం వాసులు తెలిపారు. ఈ ఘటనపై హెచ్​పీసీఎల్ అధికార ప్రతినిధి స్పందించారు. ఒక్కసారిగా ఉష్టోగ్రతలు పెరిగినట్టుగా గుర్తించామన్నారు. కొన్ని నిమిషాలపాటు రాగానే పొగలు నియంత్రించామని.. ఇప్పుడు పరిస్థితి పూర్తిగా అదుపులో ఉందని తెలిపారు.

ఇదీ చదవండి:'ఉగ్రవాదానికి కొమ్ము కాసే దేశాలను ఒంటరి చేయాలి'