ఏసీబీ వలలో విద్యుత్తు శాఖ ఏఈ.. 70 వేలు తీసుకుంటుండగా అరెస్ట్​

విశాఖ జిల్లా చిట్టివలస సెక్షన్ ఏఈ రమణను ఏసీబీ అధికారులు అరెస్ట్​ చేశారు. మీటర్లుకు కనెక్షన్ ఇచ్చేెందుకు లంచం అడగడంతో బాధితుడు ఏసీబీ అధికారులను ఆశ్రయించడంతో దాడి చేసి పట్టుకున్నారు.

లంచం తీసుకుంటూ ఏపీఈపీడీసీఎల్‌ అసిస్టెంట్ ఇంజనీర్ ఎన్. వి. రమణ ఏసీబీ అధికారులకు పట్టుబడ్డారు. విశాఖ జిల్లా చిట్టివలస సెక్షన్ ఏఈ రమణ సంగివలసలో ఓ అపార్ట్​మెంట్​కు 6 కొత్త విద్యుత్ మీటర్లకు కనెక్షన్​ ఇచ్చేందుకు 70 వేలు లంచం డిమాండ్ చేసారు. లంచం ఇచ్చేందుకు ఇష్టపడని అపార్టుమెంట్ యజమాని ఎం.రామారావు ఏసీబీ అధికారులను ఆశ్రయించాడు.

లంచాధికారిని పట్టుకునేందుకు వలపన్నిన ఏసీబీ.. ఇవాళ చిట్టివలస విద్యుత్ శాఖ కార్యాలయంలో ఏసీబీ డీఎస్పీ రంగరాజు అధ్వర్యంలో దాడి​ చేశారు. బాధితుడు రామారావు నుండి 70 వేలు లంచం తీసుకుంటుండగా ఏఈ రమణను పట్టుకున్నారు. డబ్బుతో పాటు సంబంధిత రికార్డును అధికారులు స్వాధీనంచేసుకున్నారు. నిందితుడిని అదుపులోకి తీసుకుని ఏసీబీ స్పెషల్ కోర్టులో హాజరుపరచనున్నట్టు అధికారులు తెలిపారు.

ఇదీ చదవండి:విశాఖ స్టీల్ ప్లాంట్‌లో అగ్నిప్రమాదం!