వీఎంఆర్డీఏ చైర్మన్​గా ద్రోణంరాజు

వైకాపాలో కీలక నేతలకు నామినేటెడ్ పదవులు దక్కుతున్నాయి. ఈక్రమంలోనే వైకాపా సీనియర్ నేత ద్రోణంరాజు శ్రీనివాస్​ను విశాఖ మెట్రో ఆర్​డీఏ చైర్మన్ పదవి వరించింది. విశాఖ మెట్రో రీజియన్ డెవలప్​మెంట్ అథారిటీ ఛైర్మన్​గా ద్రోణంరాజు శ్రీనివాస్ నియమితులయ్యారు. వైకాపా సీనియర్ నేత అయిన ఆయనను నియమిస్తూ ప్రభుత్వం ఉత్తర్వులు జారీచేసింది. గతంలో ద్రోణంరాజు రెండుసార్లు ఎమ్మెల్యేగా, ప్రభుత్వ చీఫ్ విప్​గా పనిచేశారు.

విశాఖ మెట్రోపాలిటన్ రీజియన్ డెవలప్​మెంట్ అథారిటీ ఛైర్మన్​గా మాజీ ఎమ్మెల్యే ద్రోణంరాజు శ్రీనివాస్ నియమితులయ్యారు. ఈ మేరకు రాష్ట్ర ప్రభుత్వం ఉత్తర్వులు జారీచేసింది. 2016లో వీఎమ్​ఆర్​డీఏ చట్టం అమల్లోకి వచ్చాక తొలిసారిగా ఛైర్మన్ నియామకం జరిగింది. ఇంతవరకు ఈ సంస్ధకు ఉద్యోగ రీత్యా ఛైర్మన్ గా మునిసిపల్ శాఖ కార్యదర్శి వ్యవహరించారు. మెట్రోపాలిటన్ కమిషనర్​గా బసంత్ కుమార్ బాధ్యతలను నిర్వర్తించేవారు. ఇటీవలే ఆయన టీటీడీ జెఈవోగా బదిలీపై వెళ్లారు. ఛైర్మన్ నియామకం జరగడంతో ఇతర డైరక్టర్ ల నియామకం కూడా త్వరలో జరుగుతుందన్న అశాభావంతో వైకాపా శ్రేణులు ఉన్నాయి.

ఇవీ చదవండి..శ్రీవారి సన్నిధిలో శివన్.. చంద్రయాన్-2 నమూనాకు పూజలు