Derails goods train near Duvvada: విశాఖ జిల్లా దువ్వాడ సమీపంలో గూడ్స్ రైలు పట్టాలు తప్పింది. ప్రమాదంలో ఒక ఖాళీ బోగీ పూర్తిగా దెబ్బతింది. గంగవరం పోర్టులో లోడును నింపేందుకు వెళ్తుండగా ఈ ప్రమాదం జరిగినట్లు రైల్వే అధికారులు తెలిపారు. ఈ ప్రమాదం కారణంగా సుమారు 4 గంటల పాటు 8 రైళ్లు నిలిచిపోయాయి.
ట్రాక్ బాగా దెబ్బతింది. యాక్సిడెంట్ రిలీఫ్ ట్రైన్ ద్వారా ప్రమాద స్థలానికి చేరుకున్న రైల్వే సిబ్బంది.. ట్రాక్ మరమ్మతు పనులు పూర్తి చేశారు. పనులు పూర్తికావడంతో.. రైళ్లు యథావిధిగా నడుస్తున్నాయి. రైళ్లు ఆలస్యం కారణంగా ప్రయాణికులు అసహనానికి గురయ్యారు.