సురక్షిత ప్రయాణానికి ఇప్పుడు ప్రయాణికులు ఆర్టీసీ వైపే మెుగ్గు చూపుతున్నారు. భౌతిక దూరం పాటిస్తూ ముందస్తు రిజర్వేషన్ చేసుకొని... ప్రయాణం చేయటానికి అన్ని విధాల అనుకూలంగా ఉండటంతో ప్రయాణికులు బస్సు ప్రయాణానికే ఓటేస్తున్నారు.
మండుతున్న ఎండలకు అనుగుణంగా... ప్రయాణికులకు సౌకర్యవంతమైన ప్రయాణం కల్పించేందుకు ఆర్టీసీ ఏసీ బస్సులను అందుబాటులోకి తెచ్చింది. ప్రస్తుతం ఏసీ బస్సుల్లో ప్రయాణించేందుకు ప్రయాణికులు ఆసక్తి చూపుతుండటంతో... ఏసీ బస్సులకు డిమాండ్ పెరిగింది. విశాఖ నుంచి కడప, విజయవాడ, తిరుపతి, నెల్లూరు, కాకినాడ ప్రాంతాలకు ఏసీ బస్సులను అందుబాటులో ఉంచారు. పరిమిత ఉష్ణోగ్రతతో ఈ బస్సులను నడుపుతున్నారు.