ఆ రెండు నిర్ణయాలు వేర్వేరుగా ఉండవు : బొత్స సత్యనారాయణ

ఎన్నికల నిర్వహణకు సంబంధించి వైకాపా అభిప్రాయం, రాష్ట్ర ప్రభుత్వ అభిప్రాయం ఒక్కటే అని మంత్రి బొత్స సత్యనారాయణ వెల్లడించారు. రాష్ట్ర ఎన్నికల కమిషన్ సమావేశానికి ప్రభుత్వం హాజరైందంటే పార్టీ ఆలోచన కూడా అక్కడ వెల్లడించినట్లేనని స్పష్టం చేశారు.

రాష్ట్రంలో ఎన్నికల నిర్వహణకు సంబంధించి వైకాపా అభిప్రాయం, రాష్ట్ర ప్రభుత్వ నిర్ణయం వేరుగా ఉండవని మంత్రి బొత్స సత్యనారాయణ అభిప్రాయపడ్డారు. రాష్ట్ర ఎన్నికల కమిషన్ సమావేశానికి ప్రభుత్వం హాజరైందంటే పార్టీ ఆలోచన కూడా అక్కడ వెల్లడించినట్లే అని విశాఖలో వెల్లడించారు.

ఆ విషయం గుర్తు పెట్టుకోవాలి..

ప్రభుత్వంలో భాగస్వామిగా వైకాపా ఉందనే విషయాన్ని ఎన్నికల సంఘం గుర్తుపెట్టుకోవాలన్నారు. ఎన్నికలను వాయిదా వేయడం కారణంగా రూ.3 వేల కోట్ల రూపాయలకుపైగా నిధులను రాష్ట్రం నష్టపోవాల్సి వచ్చిందని ఆందోళన వ్యక్తం చేశారు. విశాఖ కార్పొరేషన్​కు 2007లో ఎన్నికలు జరిగాయని మంత్రి ప్రస్తావించారు. అప్పటి నుంచి ఎన్నికలు ఎందుకు నిర్వహించలేదని మంత్రి బొత్స ప్రశ్నించారు. వ్యక్తులతో సంబంధం లేకుండా వ్యవస్థలను గౌరవిస్తామని స్పష్టం చేశారు.

ఇవీ చూడండి : స్థానికంపై సమరం...కొత్త నోటిఫికేషన్​కు విపక్షాలు పట్టు