బ్రిటిష్ పాలకులపై పోరాటాన్ని మొదలుపెట్టింది ఆదివాసీలే: బృందా కారత్‌

CPM leaders: విశాఖలోని అల్లూరి విజ్ఞాన కేంద్రం వేదికగా జరుగుతున్న ఆదివాసీ అధికార రాష్ట్రీయ మంచ్‌ జాతీయ సమావేశాలకు.. సీపీఎం జాతీయ నేతలు, ప్రముఖులు హాజరయ్యారు. బ్రిటిష్ పాలకులపై పోరాటాన్ని మొదలుపెట్టింది.. ఆదివాసీలేనని బృందా కారత్‌ అన్నారు. సాంస్కృతిక సంపద మూలాల పరిరక్షణ కోసం.. వారు గొప్ప త్యాగాలు చేశారని కొనియాడారు. అలాంటి ఆదివాసీలకు.. కేంద్ర, రాష్ట్ర ప్రభుత్వాలు అన్యాయం చేస్తున్నారని ఆవేదన వ్యక్తం చేశారు.

విశాఖలోని అల్లూరి విజ్ఞాన కేంద్రం వేదికగా జరుగుతున్న ఆదివాసీ అధికార రాష్ట్రీయ మంచ్‌ జాతీయ సమావేశాలకు.. సీపీఎం జాతీయ నేతలు బృందా కారత్‌, మాజీ ఎంపీ జితిన్ చౌదరి సహా ప్రముఖులు హాజరయ్యారు. సమావేశాల్లో మాట్లాడిన నేతలు.. గిరిజనులు, ఆదివాసీ తెగల త్యాగాలను కొనియాడారు. వాస్తవానికి.. బ్రిటిష్ పాలకులపై పోరాటాన్ని మొదలుపెట్టింది.. ఆదివాసీలేనని బృందా కారత్‌ అన్నారు.

ఈ నేల, సాంస్కృతిక సంపద మూలాల పరిరక్షణ కోసం.. ఆదివాసీలు, గిరిజన తెగలు గొప్ప త్యాగాలు చేశారని కొనియాడారు. అలాంటి ఆదివాసీలకు.. కేంద్ర, రాష్ట్ర ప్రభుత్వాలు అన్యాయం చేస్తున్నారని ఆవేదన వ్యక్తం చేశారు. వైకాపా సామాజిక న్యాయ భేరీ బస్సు యాత్ర వల్ల ప్రజలకు ఏం మేలు జరుగుతోందో చెప్పాలని.. త్రిపురకు చెందిన మాజీ ఎంపీ, ఆదివాసీ హక్కుల సమితి జాతీయ నేత.. జితిన్‌ చౌదరి ప్రశ్నించారు. సామాజిక న్యాయంపై గొప్పలు చెప్పుకుంటున్న రాష్ట్ర ప్రభుత్వం.. జీవో నెంబర్‌ 3పై.. ఎందుకు నోరు మెదపడం లేదని నిలదీశారు.

భారతదేశం కోసం గిరిజన, ఆదివాసీ తెగల ప్రజలు గొప్ప త్యాగాలు చేశారు. ఈ నేల, సాంస్కృతిక సంపద వారసులుగా వారు.. దేశం కోసం గొప్ప పోరాటాలు చేశారు. దేశ స్వాతంత్య్రం కోసం పోరాడి త్యాగాలు చేసిన గిరిజన తెగల్లోని సమర వీరులకు వందనం. -బృంద కారత్, సీపీఎం జాతీయ నేత

వైకాపా ప్రభుత్వ మంత్రివర్గంలో 71 శాతం మంది వెనుకబడిన వర్గాలకు చెందినవారు ఉన్నారని చెబుతున్నారు. కాబట్టి సామాజిక న్యాయం జరిగిపోయిందని చెప్పుకుంటున్నారు. దీనివల్ల సామాజిక న్యాయం నిజంగా జరుగుతోందా? అదే నిజమైతే జీవో నెంబర్ 3పై.. వారు ప్రశ్నించాలి. ఇది గిరిజనులపై ప్రకటించిన యుద్ధంలా ఉన్నా.. వైకాపా ప్రభుత్వం సుప్రీంకోర్టు ముందు ఎందుకు అప్పీల్‌ చేయలేదు. కొంత మందిని మంత్రివర్గంలో చేర్చుకోవడం వల్ల సామాజిక న్యాయం జరిగినట్లు కాదు. -జితిన్ చౌదరి, ఆదివాసీ హక్కుల సమితి జాతీయ నేత

ఇదీ చదవండి: