'వైకాపా గెలిస్తే... ఆస్తి పన్ను పెరుగుతుంది'

మున్సిపల్ ఎన్నికల్లో సీపీఎం ఒంటరిగానే పోటీ చేస్తుందని ఆ పార్టీ రాష్ట్ర కార్యదర్శి మధు తెలిపారు. ఎన్నికల్లో వైకాపా గెలిస్తే భారీగా ఆస్తి పన్ను పెరుగుతుందన్నారు. మార్కెట్ విలువ ఆధారంగా ఆస్తి పన్ను పెంచే యోచనలో ప్రభుత్వం ఉందన్నారు.

మున్సిపల్ ఎన్నికల్లో వైకాపా గెలిస్తే భారీగా ఆస్తి పన్ను పెరుగుతుందని... ఇప్పటికే ప్రభుత్వం ఆ దిశగా అడుగులు వేస్తోందని సీపీఎం రాష్ట్ర కార్యదర్శి మధు అన్నారు. విశాఖ సీపీఎం కార్యాలయంలో ఆయన మీడియాతో మాట్లాడారు.

మార్కెట్ విలువ ఆధారంగా ఆస్తి పన్ను పెంచే యోచనలో వైకాపా ఉందని మధు అన్నారు. ఈ ఎన్నికల్లో సీపీఎంకు ఏ పార్టీతో పొత్తు లేదని స్పష్టం చేశారు. స్టీల్ ప్లాంట్ ప్రైవేటీకరణ అంశం ఎన్నికల్లో ప్రధాన అంశంగా ఉంటుందని అన్నారు. మోదీ రెండోసారి అధికారంలోకి వచ్చాక.. అన్ని ప్రభుత్వ రంగ సంస్థలను ప్రైవేటుపరం చేస్తున్నారని ఆవేదన వ్యక్తం చేశారు.

ఇదీ చదవండి