'విశాఖ ఉక్కు ప్రైవేటీకరణకు వ్యతిరేకంగా ఈ నెల 5న రాష్ట్రబంద్​'

విశాఖ ఉక్కు కర్మాగారం ప్రైవేటీకరణ విషయంలో రాష్ట్ర ప్రభుత్వం తీరుపై కృష్ణాజిల్లా సీపీఐ కార్యదర్శి అక్కినేని వనజ ఆగ్రహం వ్యక్తం చేశారు. కేంద్రంతో రహస్య ఒప్పందాలు చేసుకుని ప్రజలను మోసం చేస్తున్నారని ఆరోపించారు.

విశాఖ స్టీల్​ ప్లాంట్​ ప్రైవేటీకరణపై రాష్ట్ర ప్రభుత్వం దోబూచులాడుతోందని కృష్ణాజిల్లా సీపీఐ కార్యదర్శి అక్కినేని వనజ అన్నారు. కేంద్రంతో రహస్య ఒప్పందాలు చేసుకుని.. ఏమీ తెలియనట్లు పాదయాత్రలు చేస్తామని చెప్పడం నమ్మశక్యంగా లేదని ఆరోపించారు. విజయవాడ దాసరి భవన్​లో విశాఖ ఉక్కు పరిరక్షణ పోరాట వేదిక ఆధ్వర్యంలో సమావేశం నిర్వహించారు. స్టీల్​ ప్లాంట్​ను కాపాడుకునేందుకు ఈ నెల 5వ తేదీన రాష్ట్రబంద్​కు పిలుపునిస్తున్నామని తెలిపారు. లక్షలాది మందికి ఉపాధి కల్పిస్తున్న ఉక్కు కర్మాగారాన్ని కాపాడుకోవడానికి ప్రతి ఒక్కరు కదలి రావాలని పిలుపునిచ్చారు. అనంతరం బంద్​కి సంబంధించిన గోడ పత్రికను ఆవిష్కరించారు.

ఇదీ చదవండి:'విశాఖ ఉక్కు ప్రైవేటీకరణను ఆపివేయాలి'