విశాఖ జిల్లాలో కరోనా మహమ్మారి వేగంగా విస్తరిస్తోంది. నగరంతోపాటు గ్రామీణ, గిరిజన ప్రాంతంలోనూ కరోనా పాజిటివ్ కేసులు ఎక్కువగా నమోదు అవుతున్నాయి. పోలీసు, వైద్య సిబ్బంది.. కరోనా బారిన పడుతున్నారు. తాజాగా మధురవాడలోని సబ్ రిజిస్ట్రార్కు పాజిటివ్ రావడంతో.. ఆ కార్యాలయాన్ని మూసివేశారు. జిల్లాలో ఇప్పటివరకు 713 పాజిటివ్ కేసులు నమోదయ్యాయి.
రోజూ 40కి పైగా కొత్త కేసులు నమోదవుతున్నాయి. లాక్డౌన్ సడలింపుల వల్ల విశాఖకు వచ్చే వారి సంఖ్య పెరుగుతుంది. ఇప్పటివరకు నమోదైన 713 కేసుల్లో 424 యాక్టివ్ కేసులు ఉండగా.. 284 మంది డిశ్చార్జ్ అయ్యారు. జిల్లాలో కరోనాతో మృతి చెందిన వారి సంఖ్య ఐదుకు చేరింది.