విశాఖ స్టీల్ ప్లాంట్ ప్రైవేటీకరణను వ్యతిరేకిస్తూ.. ఈ నెల 16న ఉదయం పది గంటలకు విశాఖ జీవీఎంసీ గాంధీ విగ్రహం దగ్గర కాంగ్రెస్ నేతలు నిరసన తెలపనున్నారు. పార్టీ రాష్ట్ర అధ్యక్షుడు శైలజానాథ్ హాజరు కానున్నట్టు నేతలు చెప్పారు. కార్యక్రమానికి సంబంధించిన పోస్టరును ఆవిష్కరించారు.
విశాఖ ఉక్కు పరిరక్షణ కమిటీ కాంగ్రెస్ కన్వీనర్ గొంప గోవిందరాజు ఆధ్వర్యంలో కార్యక్రమం నిర్వహించారు. కాంగ్రెస్ పార్టీ నగర అధ్యక్షుడు శంకు వెంకటేశ్వరరావు, పార్టీ రాష్ట్ర ప్రధాన కార్యదర్శి జి.ఏ.నారాయణ రావు తదితరులు పాల్గొన్నారు.