సచివాలయ భవనాలను సందర్శించిన కలెక్టర్, ప్రభుత్వ విప్

విశాఖ జిల్లా చీడికాడ మండలంలో జిల్లా కలెక్టర్, ప్రభుత్వ విప్ బూడి ముత్యాలనాయుడు విస్త్రృతంగా పర్యటించారు. గ్రామ సచివాలయ భవనాలతో పాటు వాటి కార్యకలాపాలను పరిశీలించారు.

విశాఖ జిల్లా చీడికాడ మండల పరిధిలో జిల్లా కలెక్టర్, ప్రభుత్వ విప్ బూడి ముత్యాలనాయుడు విస్త్రృత పర్యటనలు చేపట్టారు. ఈ సందర్భంగా గ్రామ సచివాలయ భవనాలతో పాటు వాటి కార్యకలాపాలను పరిశీలించారు. అనంతరం కోనాం మధ్యతరహా జలాశయ ప్రాంతాన్ని సందర్శించి అప్రమత్తంగా ఉండాలని అధికారులకు కలెక్టర్ సూచించారు.

సచివాాలయ భవనాల పరిశీలన..

ఉత్తరాంధ్రలోని జేబీపురంలో తొలిసారిగా నిర్మాణం పూర్తి చేసుకున్న గ్రామ సచివాలయ భవనాన్ని పరిశీలించారు. కొత్తపల్లిలో నిర్మాణంలో ఉన్న గ్రామ సచివాలయం సహా ఇతర భవనాలను సైతం సందర్శించారు.

వాలంటీర్లతో ముచ్చట..

కోనాం గ్రామ సచివాలయంలో కలియతిరిగి సిబ్బంది, వాలంటీర్లతో ప్రత్యేకంగా చర్చించారు. సంక్షేమ పథకాలపై ప్రజలకు ఏమేరకు అవగాహన కల్పిస్తున్నారని ఆరా తీశారు. కార్యక్రమంలో కలెక్టర్ వెంట జిల్లా స్థాయి అధికారులు ఉన్నారు.

ఇవీ చూడండి:

విడుదల కాని నిధులు.. విద్యాబోధనకు తొలగని ఆటంకాలు!