'ఉపాధి లేదు.. నెలకు రూ.10 వేలు భృతి కల్పించండి'

గత మూడు నెలలుగా నిర్మాణాలు లేక ఉపాధి కోల్పోయామని భవన నిర్మాణ కార్మికులు ఆవేదన వ్యక్తంచేశారు. ప్రభుత్వం తమకు నెలకు పదివేల రూపాయల చొప్పున జీవన భృతి కల్పించాలని డిమాండ్ చేశారు.

లాక్​డౌన్ కారణంగా ఉపాధి కోల్పోయిన భవన నిర్మాణ కార్మికులకు నెలకు 10 వేల రూపాయల చొప్పున జీవన భృతి ఇవ్వాలని సీఐటీయూ ఆధ్వర్యంలో కార్మికులు నిరసన చేపట్టారు. మాదవధారలో సీఐటీయూ గౌరవ అధ్యక్షుడు సనపల రామ్ గోపాల్ రావు ఈ కార్యక్రమంలో పాల్గొన్నారు.

కార్మికులతోపాటు ప్లకార్డులు ప్రదర్శించి నిరసన తెలియజేశారు. కేంద్ర ప్రభుత్వం ప్రకటించిన లాక్ డౌన్ వలన వేలాది మంది భవన నిర్మాణ కార్మికులు ఉపాధి లేక దుర్భర పరిస్థితులను ఎదుర్కొంటున్నారని ఆవేదన వ్యక్తం చేశారు.

ఇవీ చూడండి: