DWIVEDI: 'లేటరైట్ తవ్వకాలలో ఎలాంటి అక్రమాలు జరగలేదు'

అల్యూమినియం(aluminium) తయారీలో వినియోగించే బాక్సైట్(bauxite), లేటరైట్(laterite) తవ్వకాల్లో ఎలాంటి అక్రమాలు జరగలేదని గనులశాఖ ముఖ్య కార్యదర్శి జి.కె.ద్వివేది(gk.dwivedi) వెల్లడించారు. అనుమతుల ప్రకారమే మైనింగ్(mining) జరుగుతోందని తెలిపారు. అక్రమ మైనింగ్​కు పాల్పడిన వారికి జరిమానా విధించామన్నారు. నిబంధనలు పాటించని లీజుదారులపై చర్యలు(action) తీసుకుంటామని ద్వివేది స్పష్టం చేశారు.

లేటరైట్ తవ్వకాలకు సంబంధించి ఎలాంటి అక్రమాలు జరగలేదని గనులశాఖ ముఖ్య కార్యదర్శి జి.కె.ద్వివేది తెలిపారు. జీఎస్​ఐ అనుమతి మేరకు విశాఖ జిల్లాలోని నాతవరం మండలంలో లేటరైట్ తవ్వకాలకు మొత్తం 6 లీజులకు అనుమతి ఇచ్చినట్లు జి.కె.ద్వివేది తెలిపారు. ఇందులో ఒక లీజు గడువు ముగిసిందని, అప్రోచ్ రోడ్డు లేక మరో 2 లీజుల్లో తవ్వకాలు జరగడం లేదని వెల్లడించారు. ప్రస్తుతం ఒక లీజులో 5 వేల టన్నులకే అనుమతి ఇచ్చామన్నారు.

అనుమతి పునరుద్ధరణ..

అక్రమ మైనింగ్​కు పాల్పడిన సింగం భవాని, లోవరాజుకు రూ.19 కోట్ల జరిమానా విధించినట్లు గనులశాఖ ముఖ్య కార్యదర్శి ద్వివేది వెల్లడించారు. వీరు 2 లక్షల టన్నుల మైనింగ్‌ చేశారని గుర్తించి, జరిమానా విధించామన్నారు. 2018లో హైకోర్టు ఉత్తర్వుల మేరకు 2019లో అనుమతిని పునరుద్ధరించినట్లు జి.కె.ద్వివేది పేర్కొన్నారు.

లీజులపై కోర్టు వివాదాలు..

తనిఖీలు చేశాక 2 గనుల్లో ప్రస్తుతం మైనింగ్‌ జరగడం లేదని, లేటరైట్‌కు సంబంధించి 5 వేల టన్నులకే అనుమతి ఉందని స్పష్టం చేశారు. కొన్ని మైనింగ్‌ లీజులపై కోర్టు వివాదాలు ఉన్నాయన్నారు. నిబంధనలు పాటించని లీజుదారులకు జరిమానా విధించినట్లు ద్వివేది స్పష్టం చేశారు.

ఆ మైనింగ్ యోచన లేదు..

విశాఖ జిల్లాలో బాక్సైట్ మైనింగ్‌ చేసే యోచన లేదని జి.కె. ద్వివేది వెల్లడించారు. అన్‌రాక్‌ పరిశ్రమకు ఒడిశా నుంచి బాక్సైట్ సరఫరాకు ప్రయత్నిస్తున్నామని.. రాష్ట్రంలో బాక్సైట్ తవ్వకాలు జరపబోమని వ్యాఖ్యానించారు.

ఇవీచదవండి.