దేవాలయ పర్యాటకంలో భాగంగా సింహాచలం శ్రీ వరాహ లక్ష్మీ నరసింహ స్వామి దేవస్థానానికి రూ.53 కోట్లు కేంద్ర నిధులు రానున్నాయి. ప్రసాద్ (నేష‌న‌ల్ మిష‌న్ ఆన్ పిలిగ్రిమేజ్ రెజువినేష‌న్ అండ్ స్పిర్చువ‌ల్ అజ్‌మెంటేష‌న్ డ్రైవ్‌) పథకంలో... సింహాచలం దేవాలయ అభివృద్దికి కేంద్ర పర్యాటకశాఖ మంత్రి ప్రహ్లాద్ సింగ్ పటేల్ ఈ మొత్తాన్ని మంజూరు చేశారు. ఈ పథకం కోసం లేఖ రాసిన వెంటనే స్పందించి... నిధులను విడుదల చేసిన కేంద్ర పర్యాటక శాఖ మంత్రికి, రాష్ట్ర మంత్రి ముత్తంశెట్టి శ్రీనివాసరావుకు...సింహాచలం దేవస్థానం ఛైర్మన్ సంచయిత గజపతిరాజు కృతజ్ఞతలు తెలిపారు.
ఈ పథకం కింద వచ్చే నిధులను ఈ రకంగా ఖర్చుకి ప్రతిపాదన చేశారు...
సింహాచలం పర్వత ప్రాంతాలకు - రూ.27,86,00,000 /-
సింహాచలం కొండ పైకి - 18,21,50,000 /-
పాన్ ఏరియా భాగాలు - 3,87,50,000 /
ఈ విభాగాల్లో మౌలికసదుపాయాలు, అభివృద్ధి పనుల కోసం కేంద్ర ప్రభుత్వం రూ.53.00 కోట్లు నిధులు మంజూరు చేసింది.
సింహాచలం ఆలయ సముదాయం:
- ప్రోగ్రామబుల్ ఎల్ఈడీ, ఆర్జీబీఏతో ఆలయ కాంప్లెక్స్ ప్రకాశం
- రహదారి వెడల్పు - పాత ప్రవేశ రహదారి సంగమం నుంచి 2 కిలోమీటర్ల పొడవు 6 మీ అదనపు వెడల్పు, కొత్త ప్రవేశ రహదారి కొండపైకి
- గ్రిల్స్‌తో క్యూ కాంప్లెక్స్ అభివృద్ధి
- సింహాచలం సమీపంలో ఉన్న సత్తమ్మ ఆలయంలో స్టీల్ గ్రిల్స్ తీర్థయాత్ర ఫెసిలిటేషన్ హాల్స్‌తో బాహ్య క్యూ కాంప్లెక్స్ అభివృద్ధి
- సత్తమ్మ ఆలయం నుంచి సింహాచలం ఆలయం, ఆలయ గోడలు, ముఖభాగం పునరుద్ధరణ - వాల్ ఫిన్షెస్, పెయింటింగ్, క్లీనింగ్ మొదలైనవి.
- తాత్కాలిక ఉక్కు ఆశ్రయం, పండుగ సమయాల్లో ఉపయోగం కోసం
- 500 మంది కూర్చునే సామర్థ్యం కలిగిన యాంఫి థియేటర్
- ఆడియో దృశ్య గదులు
- ఏవీ కంటెంట్ సృష్టి
- క్లాక్ రూమ్‌లతో కూడిన కాంప్లెక్స్, మొబైల్స్, విలువైన వస్తువులకు లాకర్ సిస్టమ్స్, పాదరక్షల స్టాండ్ మొదలైనవి.
- గంగధార వద్ద పీవీసీ ప్రీఫాబ్ దుస్తులు మార్చుకునే గదులు, ప్రతి గది పరిమాణం 1.1 x 1.1 చదరపు మీటర్లు