Cannabis: విశాఖ, శ్రీకాకుళంలో గంజాయి ముఠా అరెస్టు

విశాఖ, శ్రీకాకుళం జిల్లాలో గంజాయి సరఫరా చేస్తున్న ముఠాను పోలీసుల అరెస్టు చేశారు. వారి వద్ద నుంచి పెద్ద మొత్తంలో గంజాయిని స్వాధీనం చేసుకున్నారు.

విశాఖ జిల్లా నర్సీపట్నం సమీపంలోని గదబపాలెంలో 2,178 కిలోల గంజాయిని ఎస్​ఈబీ అధికారులు పట్టుకున్నారు. 9 మందిని అరెస్ట్​ చేశారు. మరో వ్యక్తి పరారీలో ఉన్నట్లు ఎస్​ఈబీ ఇన్స్పెక్టర్ శ్రీనివాస్ తెలిపారు. టాటా మేజిక్ , ఓ వ్యాన్​తో పాటు మూడు ద్విచక్ర వాహనాలను సీజ్ చేశామన్నారు. పట్టుబడిన గంజాయి విలువ సుమారు రూ.45 నుంచి 50 లక్షల వరకు ఉంటుందని వెల్లడించారు.

శ్రీకాకుళం జిల్లా ఆమదాలవలస రైల్వే స్టేషన్​లో గంజాయిని సరఫరా చేస్తున్న పశ్చిమబెంగాల్​కు చెందిన ముగ్గురిని పోలీసులు పట్టుకున్నారు. రైల్వే స్టేషన్​లో తనిఖీలు చేస్తుండగా తమను చూసి నిందితులు పారిపోయేందుకు ప్రయత్నించగా పట్టుకున్నట్లు సీఐ పైడయ్యా తెలిపారు. 43 కేజీల గంజాయిని రూ.1.26 లక్షలకు కొనుగోలు చేసినట్లు పోలీసులకు నిందితులు తెలిపారు.

ఇదీ చదవండి:DRUGS: హైదరాబాద్‌లో 3 కిలోల డ్రగ్స్‌ పట్టుకున్న ఎన్‌సీబీ.. నిందితుడు అరెస్ట్​