లాక్డౌన్తో చాలా రోజులనుంచి డిపోలకే పరిమితమైన ఆర్టీసీ బస్సులు గురువారం రోడ్డెక్కాయి. విశాఖ జిల్లా అనకాపల్లి ఆర్టీసీ కాంప్లెక్స్లో బస్సుల రాకపోకలతో సందడి నెలకొంది. ఉదయం 7 గంటల నుంచి రాత్రి 7 గంటల వరకు బస్సులు అందుబాటులో ఉండనున్నాయి.
నగరం నుంచి విశాఖపట్నం, విజయనగరం, ఎలమంచిలి, పాయకరావుపేట, చోడవరం, పలాస ప్రాంతాలకు సర్వీసులు నడుపుతున్నారు. డిపో నుంచి 25 బస్సులు రాకపోకలు చేస్తున్నట్టు డీఎం గిరీష్ కుమార్ తెలిపారు. ప్రభుత్వం చేసిన సూచనలు పాటిస్తున్నామన్నారు.