విశాఖ జిల్లా మాడుగుల పట్టణంలోని పెదకోమటి వీధిలో నివాసముంటున్న పాలకుర్తి సునీల్ ఇంట్లో అర్ధరాత్రి దొంగతనం జరిగింది. వేసవి కావడంతో సునీల్ కుటుంబ సభ్యులందరూ దాబాపై పడుకున్నారు. ఇంట్లోకి వచ్చిన దొంగలు.. బీరువా, ఇతర ప్రాంతాల్లో ఏం దొరక్కపోవడంతో సామగ్రి, దుస్తులు చిందరవందరగా పడేసి రెండు సెల్ ఫోన్లు ఎత్తుకెళ్లారు. శబ్దాలు రావడంతో ఇంటిపైనుంచి వాళ్లు వచ్చి చూశారు. అప్పటికే దొంగలు పరారయ్యారు. బాధితుని ఫిర్యాదు మేరకు పోలీసులు కేసు నమోదు చేశారు.
మాడుగులలోని ఓ ఇంట్లో చోరీ
విశాఖ జిల్లా మాడుగుల పట్టణం పెదకోమటి వీధిలో అర్ధరాత్రి దొంగతనం జరిగింది. ఇంట్లో ఏం దొరక్కపోవడంతో దుండగులు ఇంట్లోని సామగ్రి, దుస్తులు చిందరవందరగా పడేసి సెల్ ఫోన్లు ఎత్తుకెళ్లారు.
ఇంట్లో దొంగలు బీభత్సం